Sedilo est collocau in s'altura de Abbasanta, chi a Oriente apitzigat cun sa Media Valle de su Tirso. In sa bidda b'at antigas domos in pèdra acanta a sa cresia de Santu Juanni e su nùmene sùu tenet orizine de sa paraula latina "sedulus", chi cheret nàrrere "triballadore". In s'antighidade su territoriu aiat connotu aposentamentos umanos, documentaos dae nuraches, putzos nuragicos e tumbas de zìgantes chi s'atzapant in su parcu archeologicu de Iloi.
Sedilo est una bidda connota po s'Ardia de Santu Antinu ("bardiare", cheret nàrrere "faghet sa guardia", cioè defensare su santuariu dae sos atacos istranzos) chi benit fata dae su 6 a su 7 de triulas. Sa cresia de Santu Antinu chi risurtat de su XVI seculu, est collocada in sa pala de Monte Isei chi si afatzat a su lagu Omodeo, aìntro de sa corte b'at pèdras chi ammentant sos tempos nuragicos, bi est sa pèdra fita chi rapresentat sa divinidade femminile. Indanànti a sa cresia si curret s'Ardia in ue sos cadderis faghent una cursa de ardimentu e de ammiru, e po custu che arribant carovanas de istranzos a sa bidda.
Sa cursa ammentada sa gherra de Ponte Milvio 'inchia dae Costantinu contras a Massenziu in su 312 pois de sa nàschida de Cristos, e rapresentat sa vittoria de sa novella religione cristiana contras a su paganesimu.
S'Ardia partit dae partza de cresia, in ue su retore cunsinnada sas pandelas a tres cadderis chi rapresentat sa cristinidade. A sa prima benit cunsignada cussa de colore oro, ruia a sa segunda e bianca a sa terza. Dònnia pandela, sebèrat sas iscortas, chi tenent s'impreu de los defenzare, usande su pinnone retziu in cunsigna dae su retore. Sa cursa comintzat in su frontigheddu, cun sa partentzia de sa prima pandela, chi seberat su momentu propitziu po partire, sighiu de totu sos àteros cadderis.