Su lagu Omodeo, ch'est in su Barigadu, est unu lagu artificiale de sos prùs mannos de Italia. In su territoriu de Ula Tirso b'est sa diga de Santa Chiara chi tramesada su cursu de su frumene, e chi cànd'est istada fata fut cussiderada un'opera manna. Su lagu Omodeo fut istau cussiderau po meda tempus s'invasu artificiale prùs mannu de Europa.
Sos triballos che sunt finios in su 1924 chi est istau fìntzas s'annu de s'istrinadura, b'ant traballau azumai 16.000 pessones. Est istada prozetada e fata in chimbe annos dae s'inzenieri Angelo Omodeo cun s'azudu de s'inzenieri Giulio Dolcetta.
Su lagu, longu prùs de 20 km, est istau fatu po regulamentare su cursu de su frumene, po sa lughe e po abbare sos terrinos. Càndo si sicada su lagu si bient sos nuraches chi sunt istaos ammuntaos càndo est istau fatu su lagu artificiale.