SU LOGU

Su lagu Omodeo, ch'est a làcana tra su Barigadu e su Guilcier, est unu lagu artificiale. Est istau ideau e fatu tra su 1918 e su 1924 po abbare sos terrinos, po sa lughe e po sas prenas de su Tirso, dae s'inzenieri milanesu Angelo Omodeo, unu de sos prus espertos de su tempus de operas idraulicas.
Est longu 5 km, largu fintzas a 3 e cun'una capatzidade de circa 400 miliones de metros cubos de abba, est nàschiu de sa mesania de su frumen Tirso, cun sa diga de Santa Chiara de Ula fata in su 1923.
S'opera, fata in pedra e contone, est arta 70 metros e longa 260 metros; si isvilupada cun lughes de 15 metros de larghesa tra sos asses de sos contrafortes, faghinde unu brincu de circa 40 metros.
A cuota 61 metros bi est sa centrale de sa lughe, chi oramai non bi est prus.
Po fàghere s'invasu, totu sa bidda de Zuri est istada isculada e torrada a fàghere, fintzas s'antiga cresia romanica de Santu Pedru.
Una diga noa, fata in Busache tra su 1982 e su 1997, fata in onore a Eleonora de Arborea (Sa Cantonera) at artziare ancora su livellu de sas abbas, inundande s'isbarramentu de Santa Chiara.
S'invasu, a massimu regime, diat depet cuntennere circa 800 miliones de metros cubos de abba, ammuntande una superficie de 29,37 kmq, arribande a una larghesa de 5 km e una longhesa de 25.
S'Omodeo, po sa mannesa sua, sa froma irregulare e sa diferente cunformatzione de sas ispondas, chi a nord ddu faghent simile a unu istànzu e a sud bi zant un aspetu cuasi alpinu, mancari siat istau fatu de s'òmine, est una zassu turisticu meda interessante, e si atzapat in mesu a unu tretu interessante sia po su puntu de vista florofaunisticu chi archeologicu.
Sa bellesa de custu logu podet èssere bisa cun s'azudu de sas canoas, partinde de sas rivas de su lagu e pigandeche in su frumene Tirso e in su Taloro.
Su Tirso, cun sos suos 159 km de longhesa est su frumen prus longu de sa Sardinna; issu naschet in s'altipianu de Buddusò, e arribat in mare in sa costa ocidentale a ovest de Oristanis.
In su cursu suu bi at tres setziones de carateres meda diversas: su tratu de susu, fintzas a nord de Otzana in mesu a rocas graniticas; su tratu de mesania, fintzas a Villanova Truschedu, chi cumprendet su Lagu Omodeo, chi curret in sos contones e basaltos; e su tratu de suta chi est in sa piana de s'oristanese.
Su Taloro, naschet in sa Barbagia de Ollollai, in sos terrinos de Teti bi at unu lagheto artificiale "Benzone" e in su sartu de Sedilo si unit a su frumen Tirso.
Su tretu de su lagu faghet parte de su S.I.C. (situ de importantzia comunitaria) "Media Valle de su Tirso e Altipianu de Abbasanta", inditau de sa Regione Sardinna in su 1997 (Prozetu Bio Italy), comente area de importantzia po sa tutela de sa biodiversidade, in s'ambitu de sa rete europea "Natura 2000", network continentale de reas naturales protetas.